martes, 24 de abril de 2012

No Día do Libro con Celso Emilio Ferreiro: vídeo-creacións da comunidade galega de Londres

No Día Do Libro todos nos acordamos de Cervantes e de Shakespeare. E este ano en UK de Dickens. E este ano tamén en UK dunha das figuras máis senlleiras da literatura galega: Celso Emilio Ferreiro. Cúmprense 100 anos do seu nacemento. De todos é coñecido que se pode considerar incluso o mellor letrista da música galega. Fuxan os Ventos, Carlos Núñez, L. E. Batallán, Amancio Prada, Astarot ou Dios ke te crew interpretaron temas deste poeta celanovés.
Dende o Cañada Blanch de Londres lanzamos un proxecto que non só implique á comunidade educativa (que aínda non participou) senón a toda a comunidade galega nesta cidade. Para iso e, grazas a unha aplicación 2.0. pedímoslle que nos recitasen un poema deste autor diante da cámara. A actividade foi lanzada onte. O resultado podedes comprobalo xa AQUI. Permitídenos esta fachenda: só o podemos definir cunha palabra, emoción.
E aquí unha das múltiples ilustracións musicais sobre un dos seus poemas máis coñecidos:

No hay comentarios:

Publicar un comentario